Ruta circular que leva por diferentes séculos, paisaxes mariñeiras e de ribeira.
Conduce a gozar da vista de varias vilas mariñeiras cos seus portos e os seus faros, entre os que se atopa o faro deseñado polo arquitecto César Portela, en Punta Nariga. As illas Sisargas é un pequeno arquipélago que se atopa enfronte de Malpica de Bergantiños e da Ensenada da Insua, un cautivador espazo natural formado pola esembocadura do río Anllóns, no que habitan moitas especies de aves.
Pódese gozar da visión de igrexas románicas, pazos do século XVIII, construcións góticas na vila de Laxe, da fortaleza medieval de Vimianzo e de dúas xoias do megalitismo galaico, o castro A Cidá e o dolmen de Dombate. É interesante ver o conxunto etnográfico situado en Buño, o centro oleiro máis importante de Galicia, e os Batáns do Mosquetín, abraiante mostra de enxeñería popular formada por dous edificios que albergan sete muíños e tres batáns.
- Ruta circular en coche.
- Traxecto:
- Muxía.
- Ponte do Porto.
- Camariñas.
- Cabo Vilán e cemiterio dos Ingleses.
- Arou.
- Camelle.
- Traba.
- Laxe.
- Casa de Eduardo Pondal en Ponteceso.
- Faro Roncudo de Corme.
- Torres de Mens.
- Malpica.
- Alfarería de Buño.
- Castro A Cidá de Borneiro.
- Dolmen de Dombate.
- Batáns do Mosquetín.
- Castelo de Vimianzo.
- Muxía.
- Lonxitude:
- 175 quilómetros.
- Dificultade:
- Baixa.
- Tempo de visita:
- 1 día.
- Punto de inicio e final: Muxía
