Centro de Información á Muller

Obxectivos

O Concello de Muxía, comprometido coa promoción da igualdade entre mulleres e homes, é sensible ás dificultades históricas das mulleres por razón de xénero. Para atender esta necesidade dispón dun Centro de Información á Muller (CIM) desde o ano 2002, no que pode asesorar e atender todas as consultas que as veciñas de Muxía queiran formular.

Funcións

As funcións do CIM están reguladas segundo o Decreto 130/2016, do 15 de setembro de 2016.

Dan unha atención específica ás mulleres vítimas de violencia de xénero e, de ser o caso, ás fillas, fillos e persoas menores ao seu cargo, ou maiores dependentes.
Ofrecen unha atención específica a mulleres en situación de especial vulnerabilidade co obxectivo de mellorar a súa situación persoal, social ou laboral.
Comunican os recursos dispoñibles na súa área de influencia.
Informan sobre cursos, estudos e xornadas, entre eles os de igualdade, que se programen no seu ámbito territorial.
Fomentan o asociacionismo e a participación cidadá das mulleres e do colectivo de lesbianas, gais, bisexuais e persoas transexuais.
Tramitan denuncias en materia de discriminación por razón de xénero ou por razón de identidade ou de orientación sexual.
Xestionan calquera actividade referida á igualdade, sobre todo nos ámbitos laboral e social.
Contan con numerosos recursos para atender a todos os usuarios, como é o servizo de teletradución en 51 idiomas.

Contra a violencia de xénero

Podes estar sufrindo maltrato por parte da túa parella ou ex parella.

COMO SABELO?

Estos son os síntomas:

Ridiculízache, faite sentir inferior, torpe ou inútil.
Aíslache, impide que te relaciones con familiares ou amizades, ponse celoso ou provoca unha pelexa.
Ameázache, humíllache, berra ou insulta en privado ou en público.
Faiche sentir culpable… Diche, “ti tes a culpa de todo”
Dache medo… pola súa mirada ou polos seus xestos.
Contrólache o diñeiro, a forma de vestir, revisa o teu teléfono móbil e as túas redes sociais.
Agrediuche alguna vez físicamente.
Forzouche a manter relacións sexuais en contra da túa vontade.
Ameaza con quitarche aos teus fillos en caso de deixalo.

Se na relación aparecen este tipo de actitudes, debes estar alerta e actuar.

COMO ACTUAR?

Explica a túa situación e pide axuda. Non estás soa. Tes dereitos

CONTACTA CO CIM ou usa estes recursos.

Recursos contra a violencia de xénero

Guía de prevención

Web do Ministerio

Atenpro

Atempro ofrece un servizo de atención e protección ás vítimas de violencia de xénero.

Teléfono contra o maltrato

Atención a vítimas de malos tratos por violencia de xénero

016 (gratuíto e non deixa rastro na factura)

Teléfono do menor

Se eres menor e cres que alguén da túa contorna sufre violencia de xénero, chama!

900333666

Moi importante

Todas as xestións son gratuítas, anónimas e confidenciais.
Respectarase a vontade das mulleres se optan por solucións diferentes ás propostas polo CIM.
Conta cun protocolo de actuación para casos de violencia de xénero.
Atende ás mulleres de Muxía, pero o seu servizo é aberto a todas, sen importar a procedencia.

Atención ao público

Horario

Atención ao público:

De luns a venres, de 8:00 a 15:00

Atención psicolóxica:

Martes e venres de 9:30 a 14:00 horas

Asesoramento xurídico:

Luns, martes, xoves e venres, de 10:00 a 14:00

Ubicación

Primeira planta do concello

Olalla Benlloch Lema

Concelleira responsable

Soledad Agra Tuñas

Psicóloga

981742001 (ext 128)

Isabel Muñoz Rodríguez

Avogada

981742001 (ext 24)

cim@muxia.dicoruna.es