Horario
As 24 horas do día
A agrupación local de Protección Civil de Muxía leva traballando no municipio desde 1992. Conta con 52 voluntarios. Ante casos de grave risco, catástrofe pública ou emerxencias de todo tipo fan unha coordinación preventiva e operativa de persoas e bens para reducir ou evitar os danos.
A súa actuación baséase nos principios básicos de solidariedade, gratuidade das actuacións e participación libre, responsable e altruista. Calquera veciño maior de 16 anos pode ser voluntario de Protección Civil. No caso de ser menor de idade, precisa da autorización do pai/nai ou titor.
Funcións
- Executan o Plan de Emerxencia Municipal (PEMU), un programa estratéxico e operativo de carácter técnico que desenvolve un sistema de dispositivos de resposta para a administración local fronte a calquera situación de emerxencia.
- Protexen a vida humana no mar.
- Atenden incidencias provocadas por temporais e dan o primeiro auxilio en accidentes na estrada.
- Son os primeiros en atender os lumes urbanos e rurais, cando hai perigo en vivendas.
- Encárganse de pequenas incidencias que pasan na vida local cotián.
- Apoian os servizos municipais que se dan aos veciños.
NOVAS
————————————————
O Club Náutico Muxía adquire material náutico, e ferramentas eléctricas cunha subvención do ano 2024 da Deputación da Coruña.
Devandito material será compartido, coa AVPC PROTECCIÓN CIVL MUXÍA, para fíns de emerxencias, e coa Confradía de Pescadores.
Durante este verán, través da subvención concedida para actividades 2024 da Deputación da Coruña, as persoas voluntarias de AVPC PROTECCIÓN CIVIL MUXIA volverán ás aulas de formación, para reciclar os coñecementos teóricos e prácticos en materia de incendios, excarceración, técnicas de reanimación cardiopulmonar (RCP) ou uso do Desfibrilador Semiautomático (DESA), entre outras.
O obxectivo de estes cursos de reciclaxe, que levaranse a cabo de xullo a setembro, é refrescar os coñecementos para que as persoas voluntarias poidan exercer o seu labor de atención a emerxencias da forma máis profesional.
O día 7 Julio, tivo lugar no Parador Costa da Morte (Muxía), o Acto de toma de posesión do Presidente da ANAV Protección Civil España, Arturo Fuente e a sua xunta directiva, onde o noso coordinador Ramón Pérez Barrientos, foi reelixido tesoureiro da identidade.
O acto asistiron o alcalde de Muxía, Iago Toba, o Delegado do Gobernó en Galicia Pedro Blanco Lobeiras, a directora xeral de Emergencias e Protección Civil Virginia Barcones, o director xeral de emerxencias de Galicia, Santiago Villanueva, a subdelegada do goberno en A Coruña, María Rivas, o Sargento da Garda Civil, o compañeiro da Policía Local, voceiros dos Grupos Políticos Locais, Alcaldes e Alcaldesas, e un gran número de compañeiros voluntarios e voluntarias de Protección Civil de diferentes puntos da xeografía española e como non Galega.
Dende aquí felicitamos a Arturo, e sua xunta directiva.
Sodes o mellor exemplo de compromiso, lealtade e traballo.
FORMACIÓN
Durante os meses de Xullo, Agosto e Setembro, ca subvención concedida para Actividades 2024 concedida pola Deputación da Coruña , os nosos voluntarios e voluntarias, volverán ás aulas de formación, para reciclar os coñecementos teóricos e prácticos en materia de incendios, excarceración, técnicas de reanimación cardiopulmonar (RCP) e ou uso do Desfibrilador Semiautomático (DESA).
O obxectivo de estes cursos de reciclaxe, é refrescar os coñecementos aos voluntarios para que poidan exercer o seu labor de atención a emerxencias da forma máis profesional.
Atención ao público
Ubicación
Casa do Mar de Muxía
Rúa Virxe da Barca, 26. Muxía. A Coruña
