Os servizos sociais de Muxía son un conxunto organizado e coordinado de accións profesionais que buscan mellorar o benestar social e favorecer a integración dos veciños. Atenden aos cidadáns de forma personalizada e promoven os mecanismos para coñecer, previr e intervir con persoas, familias e grupos sociais, sobre todo se están en situación de risco social ou exclusión.
Axuda no fogar
Persoal cualificado e supervisado presta atencións no fogar ao veciño que ten limitada a súa autonomía por motivos de índole físico, psíquico ou social. Son servizos e coidados de carácter persoal, psicosocial, educativo, doméstico ou técnico; por exemplo, a limpeza da vivenda ou o aseo persoal. Facilítase así a súa permanencia no seu entorno e mellórase a súa calidade de vida.
PROGRAMA LAVANDERIA SOBRE RODAS
SERVIZO DE LAVANDERÍA DOMICILIARIA CONCELLO DE MUXIA
DESCRICIÓN E CARACTERÍSTICAS XERAIS DO SERVIZO DE LAVANDERÍA DOMICILIARIA
O Servizo de Lavandería, que inclúe a recollida, tratamento e posterior entrega no domicilio dos usuarios de roupa de fogar e persoal. Está dirixido a persoas maiores de 65 anos, empadroadas no concello de Muxía, que viven soas ou conviven con persoas de similar dependencia, con escasos ou nulos apoios familiares e que carecen dos medios adecuados no domicilio para realizar ditas tareas e que son beneficiarias do Servicio de Axuda no Fogar Municipal, ben polo sistema de dependencia ou de libre concurrencia. Só en casos excepcionais, poderase valorar o acceso de persoas que se encontren tramitando pola vía de urxencia a valoración da súa situación de dependencia e se encontren en lista de agarda do servizo de axuda no fogar. Tamén excepcionalmente algunha persoa con menor/es, mediante o informe dos servizos sociais previo realizado polos servizos sociais comunitarios do Concello de Muxia e por un plazo de tempo determinado, mentras se resolve esa situación co recurso máis axeitado.
Colaboración/Financiamento por:
AXUDA POR NACEMENTO(s)/ ADOPCIÓN(s) DO CONCELLO DE MUXIA
BOP: https://bop.dicoruna.es/bopportal/
Email de máis información:
jose.canosa@muxia.es
Teleasistencia
As persoas maiores que viven soas ou teñen unha discapacidade poden solicitar un aparato que permite pedir axuda desde o propio domicilio en caso de urxencia.
VIDEO INFORMATIVO DO PROGRAMA:
Inserción social
É a intervención con persoas, familias ou unidades de convivencia que están en situación de exclusión social. Grazas a este programa, preténdese que estes veciños consigan a subsistencia económica, a habilitación profesional, o desenvolvemento persoal e a integración social.
Animación, prevención e cooperación social
Fomenta a solidariedade, o asociacionismo e o voluntariado entre as veciñas para que participen na resolución dos problemas da comunidade.
Convivencia alternativa.
É o acollemento familiar de menores ou maiores que están en situación de emerxencia persoal ou familiar cando non é posible a súa permanencia no propio fogar.
Inclusión social.
Pretende garantir a atención adecuada a aquelas persoas en situación de risco social con axudas como a Renda de Integración Social de Galicia (RISGA), as de emerxencia social ou para tratamentos de drogodependencias en comunidades terapéuticas.
Educación familiar
Promove a adquisición das competencias e habilidades necesarias para o correcto desenvolvemento nas familias onde se detectan carencias.
Envellecemento activo
Programa de actividades (obradoiros de memoria, artístico, termalismo social…) para que a xente maior conserve capacidades e habilidades.
Axudas e información para maiores
O departamento ofrece todo tipo de informacións de forma personalizada aos maiores para facilitar a súa autonomía persoal e contribuír á prevención de posibles situacións de risco que poidan sufrir.
Atención e información a persoas con discapacidade
O departamento axuda ás persoas con discapacidade física, intelectual ou sensorial ou cunha diagnose de enfermidade mental a acceder á información, axudas e apoios para desenvolver a súa vida da mesma forma que o resto dos cidadáns.
Atención e información a familias, infancia e mocidade
Ofrecen información sobre axudas periódicas de prevención e apoio ás familias para a integración do menor, incentivos ás familias para a conciliación da vida laboral e familiar, acollemento familiar de menores en situación de desprotección, título de familia numerosa, axuda no fogar municipal, educación familiar, etc …
Atención e información a emigrantes e retornados
Proporcionan información, orientación e asesoramento sobre a situación xurídica da persoa inmigrante ou emigrante retornada e sobre programas formativos. Tamén dan orientación, apoio e seguimento dos procesos de inserción sociolaboral, realizan intervencións sociofamiliares e tramitan axudas.
ATENCIÓN TEMPERÁ
AGRUPACIÓN CONCELLOS DUMBRÍA, CAMARIÑAS, CARNOTA, CEE, CORCUBIÓN, FISTERRA, MAZARICOS, MUXÍA, ZAS E VIMIANZO
Esta entidade foi beneficiaria da convocatoria de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2022 a 2024, cofinanciada pola Unión Europea.
O obxectivo principal destas axudas é promover a autonomía persoal de menores de 0 a 6 anos con trastornos no seu desenvolvemento O resultado que se pretende acadar é facilitar a inclusión social e a igualdade de oportunidades de todos os nenos e nenas.
De luns a venres, de 8:30 a 15:00
Planta baixa da Casa do Concello:
Traballador social na planta baixa
Educador Familiar
Alcalde
gonzalo.saborido@muxia.es
jose.canosa@muxia.es
