Muxía, 13 de febreiro. Correndo pola Costa da Morte é un programa anual de carreiras populares que se desenvolven nos diferentes municipios da zona, que ten por obxectivo fomentar a práctica de actividade física e deportiva como medio para alcanzar unha vida máis saudable. As persoas que se queiran apuntar, xa o poden facer. Ademáis, tamén poden inscribirse carreira a carreira, polo que poden inscribirse no primeiro evento que terá lugar en Camariñas.

Muxía organiza a súa carreira pedestre, que celebra a súa cuarta edición no 2017, o 9 de xullo. Pero hai máis eventos. O circuíto está promovido e organizado tamén por outros concellos, como son os de Camariñas, Carnota, Cee, Corcubión, Dumbría, Fisterra, Mazaricos, Vimianzo e Zas.