Aberto o prazo para inscribirse no concurso de disfraces do Entroido con premios por valor de 2.575 €
Muxía, 7 de febreiro. O Entroido 2017 xa está en marcha en Muxía. O Concello organizou actividades para toda a veciñanza e os visitantes que se celebrarán ao longo de varias xornadas. Ademáis, xa está aberto o prazo para inscribirse nos obradoiros e no concurso de disfraces, no que se repartirán 2.575 € en premios.
As persoas que queiran participar poden inscribirse os martes de 8h30 a 15h00 no concello e de martes a venres de 15h30 a 20h00 na biblioteca municipal.
Sábado, 25 de febreiro. Obradoiro de maxia e maquillaxe con Mago Paco
Lugar: Edificio de servizos múltiples.
Horario: 17h00.
Participantes: Para nenos e nenas de máis de 6 anos, acompañados dun adulto. Hai que inscribirse previamente na biblioteca ou chamando ao 981 74 25 63.
Martes, 28 de febreiro. Gran Festa do Entroido
Actividades: Discoteca móvil infantil, diver – photocall, xogos e concursos.
Lugar: Pavillón polideportivo.
Horario: De 17h00 a rematar.
17h00: Concurso infantil de disfraces para os nenos e nenas ata os 12 anos (non se admiten os adultos acompañantes). Participación libre sen inscrición.
18h00: Degustación de orellas e filloas.
19h00: Concurso de disfraces de adultos. Participación libre sen inscrición.
19h30: Concurso de comparsas tradicionais (grupos de cinco persoas que toquen instrumentos e canten coplas)
Final: Concurso de grupos (actuacións escénicas, musicais, baile… mínimo de cinco persoas).
Mércores, 1 de marzo. Obradoiro infantil de máscaras
Lugar: Bibilioteca municipal.
Horario: 17h30.
Participantes: Para nenos e nenas de educación primaria. Hai que inscribirse previamente na biblioteca ou chamando ao 981 74 25 63.
Sábado, 4 de marzo. Enterro do Percebe coa participación do club de xadrez Cabo Touriñán
Actividades: Saída do edificio de usos múltiples e percorrido do cortexo fúnebre polas rúas. Queima na rambleta e gran chocolatada con Xaramiños do Corpiño.
Lugar: Edificio de servizos múltiples.
Horario: 19h00.
Actividades: Para nenos e nenas de educación primaria. Hai que inscribirse previamente na biblioteca ou chamando ao 981 74 25 63.
