Policía local

Obxectivos

Muxía conta cun corpo da policía local desde o ano 1933. É o departamento encargado de garantir e salvagardar a seguridade e o normal desenvolvemento da convivencia dos veciños e dos visitantes. Na actualidade, dous axentes traballan para atender as necesidades do municipio que se recollen no artigo 53 da Lei Orgánica 2/1986. Teñen o compromiso de acadar un grao de profesionalidade no seu traballo que repercuta positivamente no benestar das persoas e tentan ser unha policía local próxima e eficaz.

Funcións

Ordenan, sinalizan e dirixen o tráfico no casco urbán e instrúen atestados por accidentes.
Prestan auxilio nos casos de accidente, catástofre ou calamidade pública.
Dan publicidade ás ordenanzas, bandos e demais disposicións municipais.
Proceden como policía xudicial, na forma establecida no artigo 29.2 da Lei.
Evitan actos delictivos, efectuando dilixencias de prevención.
Cooperan na resolución dos conflitos privados cando sexa requirido.
Interveñen nas campañas de control de tráfico e nos plans de Protección Civil.
Atenden as denuncias e dan auxilio aos cidadáns .
Xestionan os permisos dos mercados celebrados os martes e venres.
Ocupánse das comunicacións sobre obxectos perdidos.