Gastronomía

A gastronomía de Muxía caracterízase pola súa variada cociña tradicional e popular elaborada con produtos procedentes do mar e do campo, conservando a esenza culinaria tradicional, e que foi trasladándose ao longo dos anos dunhas xeracións a outras, e que fan de Muxía un dos mellores lugares de Galicia para disfrutar da variedade da súa arte culinaria.

Como no resto de Galicia, no noso concello é típico o lacón con grelos que soe cociñarse desde primeiros de novembro ata o Entroido, sendo imprescindible nos fogares galegos, onde ademais de comer un bo cocido pode degustarse o postre típico destas datas, as "filloas e orellas".

Non podemos esquecer tampouco as distintas clases de empanadas elaboradas polos nosos panadeiros. A súa elaboración é do máis variada, destacando as de bacalao, carne, berberechos, bonito, polbo, etc.

En canto a peixes e mariscos existe unha ampla variedade, destacando a lubina, merluza, congro, percebes, centolos, nécoras, calamares, etc. Todos eles degústanse á prancha, en caldeirada, etc.

Para acompañar estes produtos temos os inmellorables viños do país e unha excelente repostería, entre a que destaca todo tipo de tartas e postres en xeral.

Para calquera modificación deste directorio podes comunicárnolo ao email info@concellomuxia.com e tamén no teléfono 981 742 001