GALERÍA DE MULLERES

Judith Butler

Cleveland- Estados Unidos-, 1956. Filósofa

Judith Butler é profesora de Filosofía nos Departamentos de Retórica e de Literatura Comparada na Universidade de California, Berkeley, aínda que a súa notoriedade chegou a outros ámbitos académicos e movementos sociais, e os seus libros foron traducidos a varios idiomas. Transformouse nunha das teóricas clave do movemento queer. A teoría queer rexeita a clasificación dos individuos en categorías universais e fixas, como: home, muller,heterosexual, homosexual, bisexual ou transexual; pois, considera que están suxeitas a restricións impostas por unha cultura na que a heterosexualidad é obrigatoria

Entre os seus traballos máis importantes atópase a súa obra sobre teoría política e ética, como “Continxencia, hexemonía, universalidade”(elaborado xunto a Ernesto Laclau e Slavoj Zizek) ou “Vida Precaria”. Pero tamén é un referente no que respecta a estudos de xénero e teoría feminista. Libros como “O xénero en disputa”,” Corpos que importan ou Desfacer o xénero, son de lectura obrigada para quen se interesa nas teorías feministas, e marcaron un fito nos debates sobre as perspectivas do movemento.

A súa teoría performativa do xénero e a sexualidade desafiou os planteos ao feminismo occidental (maiormente estadounidense e europeo, que como critican moitas correntes redúcese ao modelo de muller branca, heterosexual e de clase media). Co seu traballo O xénero en disputa (1990, traducido ao castelán case 10 anos despois), Butler expuxo unha crítica ao suposto heterosexual do feminismo, mediante a deconstrucción das categorías de sexo e xénero. Desde un punto de vista posestructuralista, indagou sobre as prácticas sexuais non-normativas que cuestionan o xénero como categoría de análise. Entende o xénero e a sexualidade como construcións culturais impostas, en contraposición á visión dos roles de xénero ou sexuais con raíces biolóxicas. E á vez define que esas identidades son construcións discursivas represivas e excluíntes.

Cartel Judith Butler